Segundada nihoyat mavsum yakunlandi. «Rayo Valyekano» ikkinchi pley-off doirasida safarda «Jirona»dan kuchliroq ekanligini isbotladi - 2:0.

Bu jamoalarning birinchi o‘yini aksincha esa raqib foydasiga hal bo‘lgandi - 2:1. «Rayo Valyekano» safida Garsiya va Trexo gol urishdi. Ikkala gol ham birinchi bo‘limda sodir bo‘ldi. Qizig‘i shundaki, 56-daqiqadan boshlab «asalarilar» o‘n kishi bilan o‘ynashdi.

Shunday qilib «Rayo Valyekano» ikki yildan so‘ng yana La Ligaga qaytmoqda. Shuningdek, «elita»ga ko‘tarilgan jamoalar orasida «Espanyol» va «Malyorka» nomlari ham bor.