Coca-Cola Superligasi 10-turidan o‘rin olgan “Nasaf” – “Andijon” uchrashuvining birinchi bo‘limiga qo‘shib berilgan qo‘shimcha vaqtda Umidjon Ergashev to‘pni jarima maydondan tashqarida qo‘li bilan bartaraf etgani uchun maydondan chetlatilgan edi. Qarshiliklar posboni Umidjon Ergashev kechagi uchrashuv haqida o‘z fiklarini bildirib o‘tdi.

“Avvalambor, barcha muxlislarimizni qo‘lga kiritilgan g‘alaba bilan muborakbod etaman. Uchrashuv haqida gapiradigan bo‘lsam, o‘z darvozam daxlsizligini saqlash uchun qo‘limdan kelgan barcha ishni qilaman. To‘g‘ri, maydondan chetlashishim vaziyatni biroz og‘irlashtiridi. Lekin shunga qaramasdan biz qimmatli uch ochkoni qo‘lga kiritdik. Yana bir meni xursand qilgan jihat, maydonni tark etayotganimda, jamoadoshlarim hamda murabbiylarning qo‘llab-quvvatlashi bo‘ldi. Shu paytda biz nafaqat futbol taraflama balki insoniylik jihatdan ham kuchli jamoa ekanimizni his qildim”, – dedi Umidjon Ergashev.