Coca-Cola Суперлигаси 10-туридан ўрин олган “Насаф” – “Aндижон” учрашувининг биринчи бўлимига қўшиб берилган қўшимча вақтда Умиджон Эргашев тўпни жарима майдондан ташқарида қўли билан бартараф этгани учун майдондан четлатилган эди. Қаршиликлар посбони Умиджон Эргашев кечаги учрашув ҳақида ўз фикларини билдириб ўтди.

“Aвваламбор, барча мухлисларимизни қўлга киритилган ғалаба билан муборакбод этаман. Учрашув ҳақида гапирадиган бўлсам, ўз дарвозам дахлсизлигини сақлаш учун қўлимдан келган барча ишни қиламан. Тўғри, майдондан четлашишим вазиятни бироз оғирлаштириди. Лекин шунга қарамасдан биз қимматли уч очкони қўлга киритдик. Яна бир мени хурсанд қилган жиҳат, майдонни тарк этаётганимда, жамоадошларим ҳамда мураббийларнинг қўллаб-қувватлаши бўлди. Шу пайтда биз нафақат футбол тарафлама балки инсонийлик жиҳатдан ҳам кучли жамоа эканимизни ҳис қилдим”, – деди Умиджон Эргашев.