Avvalroq Italiyaning "Milan" klubi Belgiyaning "Gent" jamoasining ukrainalik futbolchisi Roman Yaremchukka qiziqish bildirgani haqida habar bergandik. Ma’lumotlarga ko‘ra, belgiyaliklar "Milan" rahbariyatiga futbolchining narxini e’lon qildi. Bu haqda Italiya matbuoti yozmoqda.
"Gent" klubi Yaremchuk uchun 25 million yevro miqdorida tovon puli olishni istamoqda. Manbaga ko‘ra, "Milan" bunday miqdordagi tovon puli to‘lashga qodir emas.
Qayd etilishicha, "Milan" "Roma"dan Edin Jekoni yoki "Chelsi"dan Olivye Jiruni sotib olishga harakat qilib ko‘radi. Ikkala futbolchi ham milanliklar safiga o‘tishga tayyor va ular San-Siro klubiga Roman Yaremchukdan ko‘ra ancha arzonga tushadi.
