Superliga qoldirilgan turi doirasida «Qizilqum» bilan bahs olib borgan AGMK jamoasi bosh murabbiyi Mirjalol Qosimov o‘yin haqida o‘z fikrlarini bildirdi.
«Futbol shunday qiziqarli o‘yin. Kimdir xato qiladi, kimdir o‘shandan foydalanadi. Bizda birinchi taymning o‘zida imkoniyat bo‘lgandi, ammo Gadoyev gol ura olmadi.
Agar o‘sha gol bo‘lganida vaziyat boshqacha bo‘lardi deb o‘ylayman. Ikkinchi taymda shoshildik, hisobda ortda qolayotganimiz bois oddiy vaziyatlarda to‘p yo‘qotdik. Akrom Komilovning qizil kartochkasi ham pand berdi. So‘nggi daqiqalarda hech bo‘lmasa durangga erishishga urindik.
Bundan xulosa chiqaramiz, hamma o‘yinda yutishning iloji yo‘q. G‘alaba va mag‘lubiyat yonma-yon yuradi. Keyingi o‘yinlarga tayyorgarlik ko‘rishini boshlaymiz. Menga yoqqan tarafi, jamoa bir kishi kam bo‘lsada mag‘lubiyatga uchrab turgan pallada hakam xushtagi chalingunga qadar oxirigacha kurashdi. Buning uchun yigitlarga minnatdorchilik bildiraman»,—deydi Qosimov.
