Tajribali ingliz mutaxassisi Stiv Bould Londonning «Arsenal» jamoasini tark etdi. Bu haqda klub matbuot xizmati xabar beradi.
Bir paytlar Bould Arsen Vengerning yordamchilaridan biri bo‘lgan edi. Keyinchalik ikki mavsum davomida «Arsenal»ning yoshlar jamoasini boshqargan.
Stiv Bould futbolchi sifatida «Arsenal»da 1988 yildan 1999 yilgacha o‘ynagan. U «to‘pchilar»ga uch marta Angliya chempionligini yutishiga va Xalqaro maydonlarda mashhur bo‘lishiga yordam bergan. Umuman olganda, Bould 31 yilini «Arsenal»ga bag‘ishlagan.