"Liverpul" himoyachisi Nataniel Fillipsga Angliya chempionatining bir qator klublari qiziqish bildirmoqda, deya xabar bermoqda "Goal" nashri. Manbaning xabariga ko‘ra, 24 yoshli inglizni "Byornli", "Brayton", "Nyukasl" va "Sautgempton" jiddiy kuzatmoqda.
Xabar qilinishicha, "Liverpul" hali futbolchining kelajagi to‘g‘risida qaror qabul qilmagan va futbolchini sotish hamda ijaraga berish variantlarini ko‘rib chiqmoqda. 2020/21-yilgi mavsumda Fillips "Liverpul" tarkibida 20 ta uchrashuvda maydonga tushib, 1 ta gol va 1 ta golli uzatmani amalga oshirdi. Transfermarkt portali futbolchining qiymatini 8 million yevroga baholamoqda.
