"Ливерпуль" ҳимоячиси Натаниэл Филлипсга Англия чемпионатининг бир қатор клублари қизиқиш билдирмоқда, дея хабар бермоқда "Goal" нашри. Манбанинг хабарига кўра, 24 ёшли инглизни "Бёрнли", "Брайтон", "Ньюкасл" ва "Саутгемптон" жиддий кузатмоқда.
Хабар қилинишича, "Ливерпуль" ҳали футболчининг келажаги тўғрисида қарор қабул қилмаган ва футболчини сотиш ҳамда ижарага бериш вариантларини кўриб чиқмоқда. 2020/21-йилги мавсумда Филлипс "Ливерпуль" таркибида 20 та учрашувда майдонга тушиб, 1 та гол ва 1 та голли узатмани амалга оширди. Трансфермаркт портали футболчининг қийматини 8 миллион еврога баҳоламоқда.
