Portugaliya terma jamoasi sardori Krishtianu Ronaldu Yevro-2020 guruh bosqichining 3-turidan o‘rin olgan Fransiyaga qarshi o‘yinda (2:2) nafaqat milliy terma jamoa gollari bo‘yicha jahon rekordini takrorladi.

Shuningdek, 36 yoshli futbolchi yana ikkita yangi rekordni amalga oshirdi:

1) Ronaldu - jahon va Yevropa chempionatlarida urilgan gollar soni bo‘yicha yangi rekordchi. U 21 ta gol bilan germaniyalik Miroslav Klozeni (19) ortda qoldirdi.

2) Ronaldu Yevropa chempionatining guruh bosqichidagi barcha o‘yinlarda gol urgan birinchi portugaliyalik bo‘ldi. U Vengriya va Fransiya bilan o‘yinlarda ikki marta, Germaniya bilan bitta gol urdi.