Португалия терма жамоаси сардори Криштиану Роналду Евро-2020 гуруҳ босқичининг 3-туридан ўрин олган Францияга қарши ўйинда (2:2) нафақат миллий терма жамоа голлари бўйича жаҳон рекордини такрорлади.
Шунингдек, 36 ёшли футболчи яна иккита янги рекордни амалга оширди:
1) Роналду - жаҳон ва Европа чемпионатларида урилган голлар сони бўйича янги рекордчи. У 21 та гол билан германиялик Мирослав Клозени (19) ортда қолдирди.
2) Роналду Европа чемпионатининг гуруҳ босқичидаги барча ўйинларда гол урган биринчи португалиялик бўлди. У Венгрия ва Франция билан ўйинларда икки марта, Германия билан битта гол урди.
