Belgiya himoyachisi Yan Vertongen Portugaliyaga qarshi Yevropa chempionati 1/8 final uchrashuvidan oldin fikr bilan o‘rtoqlashdi.
«Portugaliyalik muxlislar juda ajoyib. Bolalarim Portugaliya maktabida o‘qiydi, lekin ertaga ular «qizil iblislar» futbolkasini kiyishadi.
Ko‘chada Portugaliya terma jamoasi libosini ko‘rsangiz, 99% bu Ronalduning formasi. Men uni juda hurmat qilaman, ammo bu Ronalduga qarshi Belgiya emas, balki Portugaliyaga qarshi Belgiya bo‘ladi. Ularda yaxshi futbolchilar bor, ammo bizda ham zo‘r formadagi futbolchilar talaygina..
Krishtianu - futbol tarixidagi eng zo‘rlardan biri va biz uni juda hurmat qilamiz. U jamoaning qo‘llab-quvvatlashiga muhtojligi aniq. So‘nggi ikki yil ichida uning pozision o‘yini o‘zgargan. U afsona va juda kuchli futbolchi, ammo bizda unga qarshi rejalar bor», - deya Vertongenning so‘zlarini keltirgan UYEFA matbuot xizmati.
Belgiya - Portugaliya uchrashuvi 27 iyun kuni bo‘lib o‘tadi. Boshlanishi Toshkent vaqti bilan 00:00 da. Uchrashuv Sevilyada bo‘lib o‘tadi.
