Бельгия ҳимоячиси Ян Вертонген Португалияга қарши Европа чемпионати 1/8 финал учрашувидан олдин фикр билан ўртоқлашди.

«Португалиялик мухлислар жуда ажойиб. Болаларим Португалия мактабида ўқийди, лекин эртага улар «қизил иблислар» футболкасини кийишади.

Кўчада Португалия терма жамоаси либосини кўрсангиз, 99% бу Роналдунинг формаси. Мен уни жуда ҳурмат қиламан, аммо бу Роналдуга қарши Бельгия эмас, балки Португалияга қарши Белгия бўлади. Уларда яхши футболчилар бор, аммо бизда ҳам зўр формадаги футболчилар талайгина..

Криштиану - футбол тарихидаги энг зўрлардан бири ва биз уни жуда ҳурмат қиламиз. У жамоанинг қўллаб-қувватлашига муҳтожлиги аниқ. Сўнгги икки йил ичида унинг позицион ўйини ўзгарган. У афсона ва жуда кучли футболчи, аммо бизда унга қарши режалар бор», - дея Вертонгеннинг сўзларини келтирган УЕФА матбуот хизмати.

Бельгия - Португалия учрашуви 27 июн куни бўлиб ўтади. Бошланиши Тошкент вақти билан 00:00 да. Учрашув Севильяда бўлиб ўтади.