Futbolda maydondagi o‘yinchilarning o‘ziga xoslik uchun har xil uslubda ko‘rinish berishadi. Bunga o‘sha antiqa soch turmaklariyu, badandagi tatirovkalarni misol qilishimiz mumkin. Lekin futbolda nafaqat maydondagilar balki, maydon chetida o‘yinni boshqaruvchi murabbiylar ham ko‘rinishlarida uslubiy xoslik mavjud. Yevro 2020da ham buni guvohi bo‘lyapmiz.
Xo‘sh, qaysi murabbiy qanday uslubda ko‘rinish bermoqda?
Garet Soutgeyt
Jahon chempionati 2018 bahslarida angliyaliklar ustozi M&S firmasi tayyorlagan jiletlarda o‘yinlarni kuzatgan edi. Bugungi qit’a birinchiligida esa, maxsus terma jamoa kostyumi va polo ko‘ylak bilan o‘yinlarni o‘tkazmoqda. Shotlandiya bilan bo‘lgan bahsda yomg‘irli ob-havo bo‘lgani sababli «rainy mac» kiyimidan foydalandi. Eng zo‘r ko‘ringan o‘yini Xorvatiya bilan kechgan bahs edi. O‘yinda Sougeyt «Persival» kostyumi va polka nuqtali galstukda edi.
Luis Enrike
Enrike doimo bir xillikda yuradi. O‘z gavdasini doimo bir xil tutadigan murabbiy, o‘ziga qulay va ixcham liboslar kiygan. Sobiq «Barselona» murabbiyi ko‘ylak ustidan yengli «Pantalon» kiyishni ma’qul ko‘radi. Oyoq kiyim borasida doimo «Adidas»ni ma’qul ko‘rgan. Ammo Xorvatiyaga qarshi kechgan o‘yinda klassik shimni jinsiga almashtirdi.
Didye Desham
O‘tmishda «Chelsi» yarim himoyachisi bo‘lgan Deshamda tabiiyki ko‘k rangga moyillik bor. Shuning uchun fransuzlar ustozi kobalt ko‘k kastyum ostida ko‘pincha «Oxford» ko‘k ko‘ylagini kiyadi. Garchi uning uslubi biroz odmi bo‘lsada, terma jamoasi uchun aynan mos rang tanlagan.
Yoxim Lyov
Nemis mutaxassisi Yevroda turli xil ko‘rinishga ega bo‘ldi. E’tiborli jihati Fransiyaga qarshi o‘yinda kulrang ipli shim va ko‘k rangli «Stan Smith» futbolkasini kiyib, kiyinishda zamon bilan hamnafas bo‘lishdan qo‘rqmasligini isbotladi.
Roberto Manchini
Agar siz eng jiddiy va qat’iy ichki va tashqi uslubiyat egasini bilmoqchi bo‘lsangiz, bu shubhasiz italiyaliklar menejeri Roberto Manchinidir. U 56 yosh bo‘lishiga qaramay o‘ta sog‘lom. Negaki, uni zararli odatlari yo‘q. Maydonda o‘z jamoasini uyushqoq tarzda ushlab tura oladi. Kiyinishi ham barcha standartlarga mos – kostyum shim yoxud ko‘ylak, xolos.
Stefan Tarkovich
Slovakiya Yevrodan alamli tarzda chiqib ketdi. Ispaniyadan yirik hisobda uchralgan mag‘lubiyatda Stefan maydon chetida homush turar edi. O‘sha o‘yinda Tarkovich ko‘ylak, galstuk va 450 funt sterlinglik «Pepe Jeans» shimida edi. Hatto u ham jinsi kiyadi. Bu esa murabbiyni birmuncha zamonaviy modaga hamnafasligini ko‘rsatadi.
Umuman olganda, taktik va psixologik tomondan kuchli mutaxassislar o‘zlari uchun kiyinishning ma’lum turlarini yaratishgan.
