Fransiya terma jamoasi bosh murabbiyi Didye Desham «uch ranglilar» uchun ishlashda davom etadi. Bu haqda mahalliy futbol federasiyasi rahbari Noel Le Grey xabar beradi.
Le Greyning so‘zlariga ko‘ra, Desham bilan o‘zaro suhbat juda ijobiy tarzda bo‘lib o‘tgan. Didye bu yerda ishlashni davom ettirishni xohlaydi, Noel ham o‘z navbatida Yevro-2020dagi muvaffaqiyatsizlikdan keyin murabbiy bilan xayrlashish kayfiyatida emas.
Eslatib o‘tamiz, Desham boshliq Fransiya Rossiyadagi jahon chempionatida musobaqaning g‘olibiga aylangandi. Yevro-2020da esa jamoa faqat 1/8 final bilan kifoyalandi xolos.
