Belgiya terma jamoasi bosh murabbiyi Roberto Martines terma jamoadagi kelajagi haqida fikrlari bilan o‘rtoqlashdi.
"Men endi jamoaga kerakli narsani bera olmasligimni his qilsam, sochiqni birinchi bo‘lib tashlayman. Italiyadan uchralgan mag‘lubiyatdan umidsizlikka uchradik, ammo biz bor e’tiborimizni 2022-yilgi Jahon chempionati va Millatlar Ligasi saralashga qaratganmiz. Jamoaga bera oladigan boshqa hech narsa yo‘qligini his qilsamgina ketaman. Ular mening kelajagim haqida ko‘p gapirishadi, buni Yevrodan oldin ham, keyin ham va undan keyin qilishgan. Menga o‘zim haqimda gapirish qiyin. Futbolchilarning ishlashi va rivojlanishi uchun eng yaxshi sharoitlarni yaratish muhimdir. Ushbu guruh energiya bilan to‘la, loyiha hali ham rivojlanmoqda. Jamoa oldinga borishga tayyor", - deydi murabbiy.
Eslatib o‘tamiz, Belgiya terma jamoasi chorak finalda Italiya terma jamoasiga 1:2 hisobida yutqazib, Yevro-2020dan chiqib ketgan edi.
