Бельгия терма жамоаси бош мураббийи Роберто Мартинес терма жамоадаги келажаги ҳақида фикрлари билан ўртоқлашди.
"Мен энди жамоага керакли нарсани бера олмаслигимни ҳис қилсам, сочиқни биринчи бўлиб ташлайман. Италиядан учралган мағлубиятдан умидсизликка учрадик, аммо биз бор эътиборимизни 2022-йилги Жаҳон чемпионати ва Миллатлар Лигаси саралашга қаратганмиз. Жамоага бера оладиган бошқа ҳеч нарса йўқлигини ҳис қилсамгина кетаман. Улар менинг келажагим ҳақида кўп гапиришади, буни Евродан олдин ҳам, кейин ҳам ва ундан кейин қилишган. Менга ўзим ҳақимда гапириш қийин. Футболчиларнинг ишлаши ва ривожланиши учун энг яхши шароитларни яратиш муҳимдир. Ушбу гуруҳ энергия билан тўла, лойиҳа ҳали ҳам ривожланмоқда. Жамоа олдинга боришга тайёр", - дейди мураббий.
Эслатиб ўтамиз, Бельгия терма жамоаси чорак финалда Италия терма жамоасига 1:2 ҳисобида ютқазиб, Евро-2020дан чиқиб кетган эди.
