Angliya terma jamoasi va «Manchester Yunayted» hujumchisi Markus Reshford yaqinda yelkasidan operasiya qilinadi. Shu tufayli Markus keyingi mavsum startini o‘tkazib yuborishi kutilmoqda. Bu haqda Britaniya matbuoti xabar beradi.

Manbada aytilishicha, Markus anchadan beri yelkasidan xavotirda edi, ammo operasiya shoshilinch bo‘lmaganligi sababli uni kechiktirib yurgan. Yevropa chempionati o‘z nihoyasiga yetgandan so‘ng Markusning operasiya qilinish vaqti keldi.

Eslatib o‘tamiz, Angliya Yevro finalida Italiyaga penaltilar seriyasida yutqazib qo‘ydi. Reshford ushbu penaltilardan birini aniq amalga oshira olmagan.