O‘zbekistonlik futbolchilar Bobur Abduxoliqov va Shahzodbek Ubaydullayevlar Belarusning “Energetik-BGU” klubi a’zosiga aylanishdi.

Ma’lum bo‘lishicha, 24 yoshli hujumchi Bobur Abduxoliqov “Energetik-BGU” bilan 2021-yil yakuniga qadar shartnoma imzolagan bo‘lsa, Ubaydullayevning klub bilan necha yillik bitim tuzgani ma’lum qilinmagan.

Qayd etish joiz, Abduxoliqov shu yilning 19-fevral kuni Ukrainaning “Rux” klubi bilan 3 yillik shartnoma imzolab, o‘yin amaliyotiga ega bo‘lmagani sababli may oyida shartnomasini bekor qilgan edi.

23 yoshli Shahzodbek Ubaydullayev esa bungacha Soligorskning “Shaxtyor” jamoasi sharafini himoya qilayotgan edi.

Eslatib o‘tish joiz, o‘tgan mavsum “Energetik-BGU” jamoasida Jasur Yaxshiboyev, Shahboz Umarov kabi futbolchilar to‘p tepgan edi.