«Yuventus» klubi «Manchester Siti» hujumchisi Gabriyel Jezusga jiddiy qiziqish bildirmoqda.
"Shaharliklar" ustozi esa bu yozda «Tottenhem» hujumchisi Xarri Keynni qo‘lga kiritishga jiddiy bel bog‘lagan. Buning uchun kerak bo‘ladigan sarmoyani ayrim futbolchilarni sotish orqali to‘plashi kerak.
Turinliklar ustozi Massimiliano Allegri 24 yoshli braziliyalik futbolchi xizmatlariga muhtoj. Ammo «Yuventus»ning moliyaviy ahvoli biroz og‘ir. «Siti» esa Gabriyel evaziga naqd pul olishni xohlaydi. Chunki, nafaqat Keyn xaridi uchun, balki «Aston Villa»dan Grilish transferiga ham katta mablag‘ kerak bo‘ladi. Gvardiola Levandovski, Denni Ings kabi top maqsadlariga erisha olmagandan so‘ng yuqoridagi transferni qanday bo‘lmasin amalga oshirishni niyat qilgan.
