«Barselona» hali ham yarim himoyachi Ilaysh Moriba bilan shartnomani uzaytirish borasida kelisha olmayapti.
«Goal.com» nashri xabariga ko‘ra, Kataloniya rahbariyati bunga «Real Madrid» aloqador bo‘lishi mumkin deb gumon qilmoqda. «Barsa» rahbariyatining gumonicha, «Real» futbolchini o‘zi tarkibiga jalb qilmoqchi, ammo futbolchining agentlari buni rad etishmoqda.
Moribaning klub bilan amaldagi shartnomasi 2022 yil yozida tugaydi. Futbolchi yangi shartnoma imzolamaguncha, mavsumoldi mashg‘ulotlarga qo‘shila olmaydi.
Eslatib o‘tamiz, o‘tgan mavsumda Moriba 18 o‘yinda bitta gol va ikkita golli pas berishni uddalagan.
