«Барселона» ҳали ҳам ярим ҳимоячи Илайш Мориба билан шартномани узайтириш борасида келиша олмаяпти.
«Goal.com» нашри хабарига кўра, Каталония раҳбарияти бунга «Реал Мадрид» алоқадор бўлиши мумкин деб гумон қилмоқда. «Барса» раҳбариятининг гумонича, «Реал» футболчини ўзи таркибига жалб қилмоқчи, аммо футболчининг агентлари буни рад этишмоқда.
Морибанинг клуб билан амалдаги шартномаси 2022 йил ёзида тугайди. Футболчи янги шартнома имзоламагунча, мавсумолди машғулотларга қўшила олмайди.
Эслатиб ўтамиз, ўтган мавсумда Мориба 18 ўйинда битта гол ва иккита голли пас беришни уддалаган.
