2022 yilning iyun oyida «Real»ning birdaniga 5 nafar futbolchisi bilan o‘rtadagi shartnomalari muddati tugaydi. Gap Beyl, Modrich, Isko, Varan va Marselo haqida ketmoqda. Benzema va Karvaxalning ham «Real» bilan kelishuvlari yakunlanadi, ammo Ispaniya klubi ular bilan amaldagi shartnomalarini uzaytirdi, faqat bir nechta tafsilotlar hal qilinmoqda.
«Real» prezidenti jamoani yoshartirishni va katta maosh oladigan yoshi katta futbolchilardan xalos bo‘lishni rejalashtirmoqda. Florentino Peres 2022 yilda Mbappe va Xollandni sotib olish klub byudjetiga jiddiy zarba bermasligi uchun ish haqi fondini 92 million yevroga qisqartirish kerakligini hisoblab chiqdi. Fransuz «Real»da 50 million yevro (25 million maosh va shuncha soliqlarni to‘lashi kerak), Xolland esa 42 million yevro (soliqlardan keyin 21 million) oladi deb ishoniladi.
