L'Equipe xabariga ko‘ra, Myonxengladbaxning «Borussiya» klubi ushbu yozda fransiyalik hujumchisi Markus Tyuram bilan xayrlashishi mumkin.

Manbaga ko‘ra, nemis klubi hujumchining transferidan 25 million yevro ishlab olishga umid qilmoqda.

Qayd etilishicha, ayni dam futbolchiga «Tottenxem» qiziqish bildirmoqda. Shuningdek, «Roma» va «Napoli» ham iqtidorli fransuzni qo‘lga kiritishni xohlaydi.

O‘tgan mavsumda 23 yoshli Markus Bundesligada 29 ta o‘yin o‘tkazib, 8 ta gol urishga muvaffaq bo‘lgan edi.