«Lester» o‘z yarimhimoyachi Yuri Telemansga yangi shartnoma taklif qilmoqda, deb xabar beradi Daily Mail. Tomonlar futbolchi o‘z ta’tilini tugatib klub bazasiga qaytishi bilanoq muzokaralarni boshlashadi.

«Liverpul» futbolchiga qiziqish bildirayotgan bir paytda «Lester» Yuri bilan shartnomani mustahkamlab qo‘ymoqchi. «Tulkilar» Telemansni Shmeyxel va Vardi bilan bir qatorda jamoaning eng ko‘p maosh oluvchi futbolchilaridan biriga aylantiradi. 

O‘tgan mavsumda 24 yoshli futbolchi barcha musobaqalar doirasida 51 ta o‘yinda maydonga tushib, 9 ta gol va 6 ta golli pas muallifiga aylandi.