«Лестер» ўз яримҳимоячи Юри Телемансга янги шартнома таклиф қилмоқда, деб хабар беради Daily Mail. Томонлар футболчи ўз таътилини тугатиб клуб базасига қайтиши биланоқ музокараларни бошлашади.

«Ливерпуль» футболчига қизиқиш билдираётган бир пайтда «Лестер» Юри билан шартномани мустаҳкамлаб қўймоқчи. «Тулкилар» Телемансни Шмейхел ва Варди билан бир қаторда жамоанинг энг кўп маош олувчи футболчиларидан бирига айлантиради. 

Ўтган мавсумда 24 ёшли футболчи барча мусобақалар доирасида 51 та ўйинда майдонга тушиб, 9 та гол ва 6 та голли пас муаллифига айланди.