"Arsenal" yarim himoyachisi Ensli Meytlend-Nayls ushbu yozda London klubini tark etishi mumkin.
Xabar qilinishicha, «Lester» 23 yoshli yarim himoyachini sotib olishni rejalashtirmoqda. Bir vaqtning o‘zida bir nechta pozisiyalarda o‘ynay oladigan futbolchining ko‘p qirraliligi "tulkilar"ni o‘ziga jalb qilmoqda. Meytlend-Naylsga da’vogarlar orasida «Bernli» va «Sautgempton» jamoalari ham bor.
Eslatib o‘tamiz, "transfermarkt" portali ayni damda futbolchini 16 million yevroga baholamoqda.