BAAning «Sharja» klubi o‘zining Instagram dagi rasmiy sahifasida «Everton» vingeri Bernardning transferi haqida e’lon qildi.

Goal xabariga ko‘ra, 28 yoshli braziliyalik BAAda 2 yil ichida 12 million yevro ishlab olishi ko‘zda tutilgan. Shu bilan birga, «irischilar» futbolchisini sotgani uchun atigi 1 million olishi belgilangan.

Ma’lumot uchun, Bernard «Everton»da uch yil mobaynida to‘p tepdi. Braziliyalik futbolchi «irischilar» tarkibida 84 uchrashuv o‘tkazib, 8 ta gol urdi va 7 golga uzatma berdi.