Himoyachi Tobi Alderveyreldning "Tottenxem" klubidagi kunlari tobora nihoyasiga yaqinlashib qoldi.

"The Telegraph" xabariga ko‘ra, London klubi 32 yoshli futbolchining Qatarning «Al-Duxail» jamoasiga o‘tishi borasida kelishib olgan.

«Shporlar» belgiyalik uchun 13 million funt (deyarli 15,2 million yevro) oladi. Endi Alderveyreld Qatar klubi bilan shahsiy shartnoma shartlarini kelishib olishi va tibbiy ko‘rikdan o‘tishi kerak.

Eslatib o‘tamiz, futbolchining «shporlar» bilan amaldagi shartnomasi ikki yildan so‘ng o‘z nihoyasiga yetadi. U klubga 2015 yilda qo‘shilgan.

O‘tgan mavsumda Alderveyreld Premyer-ligada 25 ta o‘yin o‘tkazdi va 1 ta gol urishga muvaffaq bo‘ldi.