Ҳимоячи Тоби Алдервейрелднинг "Тоттенхэм" клубидаги кунлари тобора ниҳоясига яқинлашиб қолди.

"The Telegraph" хабарига кўра, Лондон клуби 32 ёшли футболчининг Қатарнинг «Аль-Духаиль» жамоасига ўтиши борасида келишиб олган.

«Шпорлар» бельгиялик учун 13 миллион фунт (деярли 15,2 миллион евро) олади. Энди Алдервейрелд Қатар клуби билан шаҳсий шартнома шартларини келишиб олиши ва тиббий кўрикдан ўтиши керак.

Эслатиб ўтамиз, футболчининг «шпорлар» билан амалдаги шартномаси икки йилдан сўнг ўз ниҳоясига етади. У клубга 2015 йилда қўшилган.

Ўтган мавсумда Алдервейрелд Премьер-лигада 25 та ўйин ўтказди ва 1 та гол уришга муваффақ бўлди.