O‘zbekiston Pro ligasida ishtirok etuvchi «Xorazm» klubi bir qator futbolchilar bilan shartnoma imzoladi. Bu haqda Pro liga matbuot xizmati xabar berdi.

Xorazmlikalar 24 iyul kuni 6 nafar futbolchi bilan shartnoma imzoladi. Xususan, «Xorazm» Litvaning «Miniya» klubida harakat qilgan Bobur Farhodovni, «Olimpik»ni tark etgan Diyor Ramazzonovni, «Oqtepa»dan ketgan Hazrat Tursunqulov, Sardor Mamatmurodov hamda Umid Hamroyevni o‘z tarkibiga qo‘shib oldi. Jamoa mazkur futbolchilar bilan 2022 yilgacha mo‘ljallangan shartnoma imzoladi. Bundan tashqari, «Xorazm» o‘ziga qarashli 18 yosh toifasidagi jamoadan Jamshid Zarifboyevni asosiy tarkibga qo‘shib oldi. O‘yinchi klub bilan 2024 yilga qadar davom etuvchi shartnomaga imzo chekdi.

Shuningdek, «Xorazm»ning 7 nafar futbolchisi jamoani tark etgan. Ular: Eldor Shuhratbekov, Ne’mat Madaminov, Madrim Madrimov, Sardor Sotvoldiyev, Eldor Mamasoliyev, Farrux To‘xtashev va Ro‘zim Ahmedov.

Ma’lumot o‘rnida, «Xorazm» futbol klubi Pro ligaining 13-turidan so‘ng 13 ochko egallagan holda turnir jadvalida 5-o‘rinda bormoqda.