Tokio olimpiadasida qolgan bokschilarimiz ham asta-sekin o‘z janglarini o‘tkaza boshlashdi. Kunning ikkinchi yarmidan o‘rin olgan dasturda 63 kg. vazndagi sportchimiz ringga ko‘tarildi. Unga mo‘g‘ulistonlik Chinzorig Batarsux raqiblik qildi.

O‘z uslubiga ega bo‘lgan ushbu bokschi butun jang davomida hamyurtimiz kuchli raqobat ko‘rsatdi. Dastlabki raundda hakamlarning uch nafari ustunlikni mo‘g‘ul sportchisiga berishdi.

Elnur ikkinchi bo‘limda faollikni oshirdi va raqibga ko‘plab zarbalar berdi. Natijada barcha hakamlar Abduraimovning ustunligini e’tirof etishdi.

Uchinchi bo‘limda Chinzorig vaziyatni o‘nglashga harakat qildi. Hattoki, bunga qisman erishdi ham. Ammo yakunda Elnur Abduraimov 4:1 hisobida g‘alaba qozondi — 29:28, 29:28, 29:28, 30:27, 28:29.

Vatandoshimiz nimchorak final bosqichida tojikistonlik Bahodir Usmonovgа qarshi ringga ko‘tariladi.