«Pari Sen-Jermen»klubining argentinalik hujumchisi Mauro Ikardi «Roma»ga o‘tishi mumkin. Bu haqida «Football Italia» nashri xabar bermoqda.
Manbaning xabariga ko‘ra, hujumchi rafiqasi va agenti Vanda Nara Rim klubi rahbariyati bilan muzokaralar olib bormoqda. Ikardi oldinroq «Sampdoriya» va «Inter»da o‘ynagan va shu sababli Italiyaga qaytishni istamoqda.
O‘tgan mavsumda 28 yoshli Ikardi «PSJ» tarkibida barcha musobaqalarda 28ta o‘yin o‘tkazdi, 13ta gol urdi va 6ta golli pas berdi. Uning klub bilan shartnomasi 2024 yilning yozigacha amal qiladi.