«Arsenal»ning yangi xaridi hisoblangan Sambi Lokonga tarkibdagi qaysi futbolchi bilan o‘ynashni xohlayotganini aytdi. Uning fikricha «kanonirlar» tarkibida eng o‘ziga xos futbolchi bu Nikolas Pepe va u bilan o‘ynash eng katta orzusi bo‘lgan. Shuningdek, Lokonga Saka hamda Obameyang mahoratini ham alohida ta’kidlagan.

Ma’lumot uchun 21 yoshli yarimhimoyachi Belgiyaning «Anderlext» klubidan 17,5 million yevroga xarid qilingan. U yerda Lokonga 78 ta o‘yinda 4 ta gol hamda 8 ta assist muallifiga aylangan.