«Arsenal» futbolchisi Granit Jakani «Roma»ga o‘tishi bilan bog‘liq xabarlar yana yangilandi. Jaka Shvetsariya bosh murabbiyi Vladimir Petkovichning «Bordo» klubiga o‘tishi munosabati bilan uni Instagram tarmog‘ida tabrikladi va xayrlashib, izoh yozdi. Bu kommentga Joze Mourinyo yoqtirish tugmasini bosgan va olqishlagan stiker bilan javob qaytargan.
Ushbu voqea matbuotda Jaka transferi tezlashayapti degan xabarlar tarqalishiga sabab bo‘lgan. «Roma» futbolchi uchun London so‘ragan narxni bera olmasligi ma’lum qilgan edi. Shunday bo‘lsada, futbolchi va klub shaxsiy kelishuvga erishgani aytilmoqda.
