«Арсенал» футболчиси Гранит Жакани «Рома»га ўтиши билан боғлиқ хабарлар яна янгиланди. Жака Шветсария бош мураббийи Владимир Петковичнинг «Бордо» клубига ўтиши муносабати билан уни Instagram тармоғида табриклади ва хайрлашиб, изоҳ ёзди. Бу комментга Жозе Моуриньо ёқтириш тугмасини босган ва олқишлаган стикер билан жавоб қайтарган.

Ушбу воқеа матбуотда Жака трансфери тезлашаяпти деган хабарлар тарқалишига сабаб бўлган. «Рома» футболчи учун Лондон сўраган нархни бера олмаслиги маълум қилган эди. Шундай бўлсада, футболчи ва клуб шахсий келишувга эришгани айтилмоқда.