Ispaniyaning Cadena Ser nashri xabariga ko‘ra, yarimhimoyachi Martin Edegorning «Arsenal»ga o‘tishi shu yozda amalga oshishi mumkin.
22 yoshli norvegiyalik futbolchi yangi murabbiy Karlo Anchelotti bu pozisiyada Iskoga imkoniyat berish niyatida ekanligi uchun unga Madridda o‘yin amaliyoti berilmasligidan qo‘rqmoqda. U zaxirada o‘tirishni xohlamaydi.
Eslatib o‘tamiz, «Real» yarimhimoyachisi o‘tgan mavsumning ikkinchi yarmini «Arsenal»da ijara asosida o‘tkazdi. Londonda Edegor APLning 14 o‘yinida 1 ta gol urdi va 2 ta golli pasni amalga oshirdi.