«Inter» yarimhimoyachisi Arturo Vidal Simone Indzagi haqida gapirdi. Xabaringiz bor, yaqinda Simone Antonio Konteni almashtirgan holda «neradzurrilar» bosh murabbiyi etib tayinlangan edi.
«Men allaqachon yangi murabbiyimiz bilan gaplashdim. Menga bu muloqot yoqdi. Indzagi yaxshi murabbiy. U juda ko‘p aqlli qarorlar chiqaradi va har birimizga o‘zimizni qulay his qilishimizga yordam beradi.
Mening sheriklarim ham yangi muhitdan xursand. Ular yanada ko‘p mehnat qilishga shay va kelgusi mavsumga katta umidlar bilan qarashmoqda.
Hozirda tezroq maydonga qaytishni o‘ylayapman. O‘tgan mavsum men uchun unchalik omadli kelmadi. Chunki jarohatlarim bor edi, buning ustiga muvaffaqiyatsiz o‘yinlar ham ko‘payib ketdi. Men butun dunyoga haqiqiy Arturo Vidal kimligini ko‘rsatmoqchiman", deydi Vidal.
