Erkaklar o‘rtasidagi 63 kg.dagi bokschimiz Elnur Abduraimov Tokio-2020 olimpiadasidagi o‘zining ikkinchi jangini o‘tkazdi. Bu safar unga tojikistonlik Bahodur Usmonov raqiblik qildi.

Hamyurtimiz dastlabki 2 raundda raqibiga nisbatan faolroq ishladi va amaldagi jang taqdirini hal qilib qo‘ydi. Uchinchi bo‘limda esa Elnur tejamkor uslubda ikkinchi raqamli sportchi sifatida ishladi. Natijada so‘nggi bo‘limda 3 nafar hakam ustunlikni Usmonovga taqdim etdi. Yakuniy natija — 5:0 (30:27, 30:27, 29:28, 29:28, 29:28).

Abduraimov chorak finalda armanistonlik Oganes Bachkovga qarshi ringga ko‘tariladi. Bu jang 3 avgust kuni bo‘lib o‘tadi.