O‘zbekiston chempionatining 13-turi o‘yinlariga yakun yasaldi. Qo‘qonda bo‘lib o‘tgan vodiy derbisida "Navbahor" g‘alaba qozondi.

Namanganliklar 13-daqiqada Azim Ahmedovning supergoli evaziga hisobni ochishdi. "Navbahor" 30 metrlardan jarima zarbasini yo‘llab, to‘pni "to‘qqizlik"ka "mixlab" qo‘ydi.

O‘yin tugashiga 9 daqiqa qolganida mehmonlar a’zosi Sardor Telyakov "Navbahor"ning ikkinchi goliga mualliflik qildi.

«Qo‘qon-1912» esa o‘yinga qo‘shib berilgan daqiqalardagina bitta javob to‘pini kiritishdi.

Viktor Jalilov jamoasi ushbu g‘alabadan so‘ng o‘z ochkolarini 17taga yetkazib, jadvalda 8-o‘ringa ko‘tarilib oldi.

Superliga. 13-tur
«Qo‘qon-1912» - «Navbahor» - 1:2
Gollar: Murod Xolmuhammedov (90+5) — Azimjon Ahmedov (13), Sardor Telyakov (81).
“Qo‘qon-1912”: 1. Muzaffar Abdullayev, 3. Bobur Akbarov, 8. Farhod Bekmurodov, 10. Shohnazar Norbekov, 13. Sardor Azimov, 14. Avaz Mamatxo‘jayev, 15. Oybek Rustamov, 22. Muhammadanas Hasanov, 23. Aleksandr Merzlyakov, 33. Ivan Yosovich, 70. Murod Xolmuhammedov.
Zaxira: 46. Xurshid Xodjayev, 4. Ilhom Vahobov, 5. Slavko Lukich,  11. Mo‘min Meliyev, 18. Anvar Hojimirzayev, 19. Suhrob Berdiyev, 20. Iqbol Malikjonov, 91. Yakuba Bamba, 99. Andrey Sidorov.
"Navbahor": 1. O‘tkir Yusupov, 4. Boyan Siger, 7. Azim Ahmedov, 9. Ivan Solovyov, 10. Quvondiq Ro‘ziyev, 14. Kosta Guttiner, 19. Mirzohid G‘ofurov, 20. Ibrohim G‘anixonov, 22. Igor Golban, 24. Davron Hoshimov, 88. Boyan Naydenov.
Zaxira: 35. Rahimjon Davronov, 5. Xushnud Avilov, 8. Sardor Telyakov, 11. Islomjon Isoqjonov, 17. Ehsoni Panshanbe, 28. Ilhom Alijonov, 33. Mirzohid Mirzamahmudov, 95. Zabihillo O‘rinboyev.