"Bavariya" hujumchisi Robert Levandovski yangi bosh murabbiy Yulian Nagelsmann bilan o‘z kelajagini muhokama qildi.
"Bayern & Germany" nashri xabariga ko‘ra, 32 yoshli polshalik futbolchi murabbiyga hali ham motivasiyasi borligini va klub bilan sovrinlarni yutishni davom ettirishini aytgan.
Biroq, Levandovski 2022 yilda ketishi mumkinligini istisno qilmadi.
Eslatib o‘tamiz, futbolchining klub bilan shartnomasi 2023 yilning yozigacha amal qiladi.
O‘tgan mavsumda Levandovski 40 o‘yinda 48 gol va 9 golli uzatma muallifi bo‘lgan.