«Lester» himoyachisi Uesli Fofana «Vilyarreal»ga qarshi o‘rtoqlik uchrashuvida og‘ir jarohat oldi. Aftidan, Fofana oyog‘ini sindirib olgan.
Uesli Fer Ninyo bilan kurashda qo‘pol harakat olib bordi. Natijada u zambilda maydonni tark etdi.
Shubhasiz, Fofana yangi mavsumning boshlanish bahslarini o‘tkazib yuboradi. Balki qishdan oldin qaytmasligi ham mumkin.
Ma’lumot uchun, o‘tgan mavsum Fofana barcha musobaqalar doirasida «tulkilar» libosida 38 o‘yin o‘tkazdi.