Mundo Deportivo nashri xabariga ko‘ra, Filippe Koutinyo jarohatdan tiklanishining so‘nggi bosqichiga kirmoqda va La Liga boshlanishida jamoaga qaytishi mumkin.
Manbaning qo‘shimcha qilishicha, Kumanga Koutinyo yoqadi va shuning uchun kataloniyaliklar unga yangi klub izlamaydilar.
"Barsa" klub tarixidagi eng qimmat futbolchini kamsitmoqchi emas.
Agar ijara taklifi kelib tushsa, "ko‘k-anorranglilar" faqat tegishli klub futbolchining maoshini to‘liq to‘lashga tayyor bo‘lgan taqdirdagina qabul qiladi.
Filippe tizzasidan olgan jiddiy jarohati tufayli yanvar oyidan buyon maydonga tushmayapti. O‘tgan mavsumda u "Barsa" safida 14 ta o‘yinda maydonga tushib, 3 ta gol urdi va 2 ta golli uzatmani amalga oshirdi.
