Mundo Deportivo нашри хабарига кўра, Филиппе Коутиньо жароҳатдан тикланишининг сўнгги босқичига кирмоқда ва Ла Лига бошланишида жамоага қайтиши мумкин.
Манбанинг қўшимча қилишича, Куманга Коутиньо ёқади ва шунинг учун каталонияликлар унга янги клуб изламайдилар.
"Барса" клуб тарихидаги энг қиммат футболчини камситмоқчи эмас.
Агар ижара таклифи келиб тушса, "кўк-анорранглилар" фақат тегишли клуб футболчининг маошини тўлиқ тўлашга тайёр бўлган тақдирдагина қабул қилади.
Филиппе тиззасидан олган жиддий жароҳати туфайли январ ойидан буён майдонга тушмаяпти. Ўтган мавсумда у "Барса" сафида 14 та ўйинда майдонга тушиб, 3 та гол урди ва 2 та голли узатмани амалга оширди.
