Braziliyalik darvozabon Alisson Bekker «Liverpul» bilan shartnomasini uzaytirganidan keyingi fikrlarini bildirdi. Bu haqda klub rasmiy sayti xabar berdi.
Darvozabon klub bilan shartnomanisini 2027 yilgacha uzaytirdi. Shundan so‘ng u quyidagicha fikr bildirdi:
«Bu masalada o‘ylab o‘tirish uchun ko‘p vaqt sarflamadim. Uch yil mobaynida biz o‘zaro ishonchli munosabatga ega bo‘ldik. Men va oilam bu yerda baxtlimiz. Farzandlarim Angliyaga o‘rgandi. Bu yerda ishlayotganimdan xursandman. Bu men uchun qiyin bo‘lmagan qaror edi», — dedi Alisson.
