Tokio olimpiadasining navbatdagi kuni nihoyasiga yetdi. Oldinda esa yana ikki kun bahslari bizni kutmoqda. 7 avgust, shanba kuni bahs maydoniga chiqadigan o‘zbekistonlik sportchilar ro‘yxati va ularning taqvimi bilan tanishtirib o‘tamiz.
Kanoe: ayollar, 500 metr, ikkilik: Dilnoza Rahmatova va Nilufar Zokirova (medallar uchun)
04:37. Yarim final bosqichi
Sportchilarimiz o‘z guruhlarida dastlabki 4ta o‘rindan birini egallashsa, medallar uchun kechadigan A final yo‘llanmasini qo‘lga kiritishadi. Aks holda qizlarimiz B finalda qatnashishadi.
07:30. B final
07:37. A final
Badiiy gimnastika: jamoaviy musobaqa (saralash bosqichi)
O‘zbekiston terma jamoasi tarkibi: Nilufar Shomurodova, Kseniya Aleksandrova, Dinara Ravshanbekova, Sevara Safoyeva, Kamola Irnazarova
06:00. Dastlabki mashqlar
07:30. Ikkinchi mashqlar
Izoh: O‘zbekistonlik qizlar kuchli sakkizlikdan o‘rin olishsa, 8 avgust bo‘lib o‘tadigan final yo‘llanmasini qo‘lga kiritishadi.
Zamonaviy beshkurash: erkaklar, Aleksandr Savkin (medallar uchun)
10:36. Suzish: erkin usulda, 200 metr.
11:45. Qilichbozlik: bonus bosqichi
13:15. Ot yo‘rttirish
15:30. Yugurish va o‘q otish
Yengil atletika: balandlikka sakrash. Final (medallar uchun)
14:35. Safina Sa’dullayeva