“Chelsi” rahbariyati yangi hafta boshlangunga qadar “Inter” hujumchisi Romelu Lukakuni sotib olishni yakunlashni kutmoqda. Bu haqda The Athletic nashri xabar bermoqda.

Manbaga ko‘ra, londonliklar belgiyalik hujumchining qaytishiga katta qiziqish bildirmoqda.

“Chelsi” Lukakuni yaqin orada jamoaga qo‘shilishiga umid qilmoqda, chunki u 13-avgustda
boshlanadigan Premyer-liganing yangi mavsumiga tayyorgarlik ko‘rishi darkor.

Ma’lum bo‘lishicha, 28 yoshli futbolchi “neradzurrilar” rahbariyatiga London klubining taklifini qabul qilish so‘rovi bilan murojaat qilgan. Milanliklar allaqachon London klubining taklifini ikki marta rad etishgan, biroq 110-120 million yevro ularni ishontirishi mumkin.

Avvalroq, Lukaku “Chelsi” bilan yiliga 15 million yevro maosh oladigan shartnoma borasida
kelishib olgani haqida xabar berilgan edi. Bu uning “Inter”dagi maoshidan ikki baravar ko‘p.

Ma’lumot uchun, Lukaku 2011-yildan 2014-yilgacha “Chelsi”da to‘p tepgan. 2019-yildan buyon
esa “Inter” sharafini himoya qiladi. O‘tgan mavsumda hujumchi A seriya doirasida 36 ta o‘yin
o?tkazdi va 24 ta gol urib, 11 golli uzatmaga mualliflik qildi.