Messi ketishi munosabati bilan ertaga, yakshanba kuni «Nou Kamp»da matbuot anjumani o‘tkazmoqchi. Bu haqda Fabrisio Romano o‘z rasmiy sahifasida ma’lum qilgan.
Uning so‘zlariga ko‘ra, Messining xohishi bilan «Barselona»ning uy stadionida press anjuman o‘tkaziladi. Bu voqea butun dunyodagi millionlab klub va futbolchining personal muxlislari uchun muhim voqea. Ularning ko‘pchiligi bu tanlovni qabul qila olmayapti.
Avvalroq ikki tomon yangi shartnoma borasida kelishib olgani, biroq La Liganing moliyaviy cheklovlari sabab Messi ketishga majbur bo‘layotgani haqida xabar qilingan edi.
