Milanning «Inter» klubi hujumchisi Lautaro Martinesning agenti Aleksandro Kamano futbolchining kelajagi haqida gapirib o‘tdi.
«Lautaro ayni dam «Inter» futbolchisi va u Italiyada qolishdan xursand. Uning qarori - jamoada qolish.
«Inter» bilan munosabatlar mukammal darajaga kelgan. Lautaro Martines xotirjam. Ha, takliflar bor edi, lekin bugun Lautaro sizlar o‘ylagan pozisiyada emas, biz uning kelajagini muhokama qildik. Lautaro hech qachon klub bilan o‘zaro ziddiyatni boshlamaydi.
Har doim aytganimdek, Lautaro «Inter»da baxtli, u ketish haqida o‘ylamayapti. Muxlislar uchun tashvishlanadigan hech narsa yo‘q!»- dedi agent.
Avvalroq, argentinalikka «Tottenxem» qiziqayotgani haqida xabar berilgandi.
