"Manchester Siti" yarim himoyachisi Fil Foden oyog‘idan olgan jarohati tufayli bir oyni o‘tkazib yuboradi. Bu haqida The Telegraph nashri xabar bermoqda.
Manbaga ko‘ra, 21 yoshli ingliz futbolchisi Yevro-2020 paytida o‘zini noqulay his qilgan va klubga qaytganidan keyin og‘riq faqat kuchaygan. Mahalliy shifokorlarning taxminlariga ko‘ra, Filning tiklanishi taxminan bir oy davom etadi.
O‘tgan mavsumda Foden Premyer - liga 28 ta o‘yinda maydonga tushib, 9 ta gol urdi va 5 ta golli uzatmani amalga oshirdi. Jarohat tufayli futbolchi yangi mavsumdagi "Tottenxem", "Norvich" va "Arsenal"ga qarshi o‘yinlarni o‘tkazib yuboradi.
