«Inter» va «Tottenxem»ning transfer maqsadi bo‘lgan hujumchi Dushan Vlaxovich «Fiorentina»da qolishi mumkin. Bu haqda Football Italia nashri xabar beradi.
Italiyalik jurnalistlarning yozishicha, «binafshalar» rahbariyati futbolchiga yiliga uch million yevro maosh bilan yangi shartnoma taklif qilgan.
Vlaxovich taklifni qabul qildi, lekin hozircha yangi bitimni imzolamagan.
Eslatib o‘tamiz, «Inter» Vlaxovichni Romelu Lukakuning o‘rinbosari deb biladi va «Tottenxem» Xarri Keyn o‘rniga serbni taklif qilmoqchi bo‘ldi.
Ma’lumot uchun, o‘tgan mavsum A Seriyada Dushan 37 ta o‘yinda maydonga tushib, 21 ta gol urdi va 3 ta golli uzatmani amalga oshirdi.
